БИРЖА ТРУДА для трудовых мигрантов

Hugbúnaðarlausnir Íslandsbanka leita að öflugum og metnaðarfullum hugbúnaðarsérfræðingi í fjölbreytt starf í spennandi starfsumhverfi.

Við myndum sterka liðsheild sem tekst á við krefjandi áskoranir og vinnum þétt með viðskiptaeiningum, stoðeiningum og öðrum hagsmunaaðilum, með það markmið að búa til framúrskarandi lausnir fyrir viðskiptavini og starfsmenn bankans.

Teymin okkar vinna eftir agile aðferðafræðum í notendamiðaðri vöruþróun með það að leiðarljósi að skila raunverulegu virði snemma, hratt og oft. Við bjóðum uppá nútímalegt tækniumhverfi þar sem við leggjum áherslu á gæði lausna og sjálfvirknivæðingu ferla.

Starfið er í vöruteymi Samstæðulausna. Hlutverk teymissins er sala og þjónusta við viðskiptavini Íslandsbanka, sjálfvirknivæðing ferla fyrir viðskiptavini og starfsmenn, þekkja viðskiptavini og geta boðið upp á réttar vörur.

Helstu verkefni
Samþætting gagna við CRM, Adobe og Genesys.
Greining, hönnun, nýþróun og bestun hugbúnaðar.
Sjálfvirknivæðing hugbúnaðarferla, afhendinga, prófana og reksturs.
Önnur verkefni eftir samkomulagi.
Hæfniskröfur
Góð enskukunnátta, bæði í töluðu og rituðu máli.
Marktæk reynsla og þekking af hugbúnaðarþróun.
Geta til að læra á nýja tækni og forritunarmál, úrlausn vandamála og greiningarhæfni.
Lipurð í mannlegum samskiptum, frumkvæði og drifkraftur.
Reynsla af GIT, MS SQL, .NET Core/C#.
Þekking og reynsla af Docker, Angular eða React og OAuth er kostur.

Hjá Íslandsbanka starfa um 700 manns sem hafa ástríðu fyrir árangri og vinna að lausnum fyrir viðskiptavini með fagmennsku að leiðarljósi. Við leggjum áherslu á að skapa virði til framtíðar með traustum rekstri og framúrskarandi þjónustu.